2023-жылдын 2-июнунда КМУнун Илимий китепканасында китепкананын кызматкери Королуева Анара Алмамбетовнанын 70 жылдык маарекесин куттуктоо боюнча иш-чара болуп өттү. Иш-чарага КМУнун Профсоюз уюмунун төрагасы Догтурбек Назар Ардак Грамота тапшырды, китепканачылар жамааты куттукташты жана «Жаш калемгерлер» ийриминин мүчөлөрү арноо ырларын тартуулады.
КМУнун Илимий китепканасынын администрациясы баардык кызматкерлерди 27-май — китепканачылар күнү менен куттуктайт.
Бүткүл дүйнөлүк китеп күнүнө карата 20-апрелде И. Арабаев атындагы КМУда «Китеп Ааламга жанган өчпөс чырак» аттуу иш-чара болуп өттү. Алгач иш-чараны университеттин ректору, профессор Айгүл Төлөковна ачып сөз сүйлөдү. Айгүл Төлөковна болочок педагог-студент жаштарыбызга кайрылып, биз сыймыктанып ысымын алып жүргөн педагог, окумуштуу, коомдук ишмер И. Арабаевдин «Алиппе» китеби элибиздин сабатсыздыгын жоюуга чон салымын кошкондугун сыймыктануу менен белгилеп өттү.
2023-жылдын 31-мартында Илимий китепкананын №1 окуу залында кадрлардын квалификациясын жогорулатуу максатында Электрондук китепкананын бөлүм башчысы Кутуева Б.К. «Электрондук ресурстар. Сайт менен иштөө, издөө, көчүрүү ж.б.» темасында сабак өттү жана практика жүзүндө көрсөтүп берди.
17-февраль, жума күнү Илимий китепкананын «Кыргыз Руху» залында И.Арабаев атындагы КМУ жана КРнын Президентине караштуу мамлекеттик тил жана тил саясаты боюнча улуттук комиссиясы, КРнын Улуттук илимдер академиясы менен биргеликте 21-февраль – Эл аралык Эне тил күнүнө карата «Эне тил – илимий изилдөөлөрдүн темасында» аттуу илимий конференция уюштурушту.
И.Арабаев атындагы Кыргыз мамлекеттик университети. Арабаевдин 140 жылдыгына арналган иш-чара 2022-жылдын 21-декабрында Т.Абдымомунов атындагы Кыргыз Улуттук академиялык драма театрында болуп өттү. «Устаттыктын улуу уңгусу» аттуу китеп көргөзмөсү коюлду.
Т. Сатылганов атындагы Кыргыз улуттук филармониясында 5-октябрь Эл аралык мугалимдер күнүнө жана И.Арабаевдин 140 жылдыгына арналган «Агартуучуларга таазим» аттуу иш-чарага китеп көргөзмөсү коюлду. Көргөзмөдө Арабаевдин китептери, газета-журналдарга чыккан материалдар коюлду.
И.Арабаев атындагы Кыргыз мамлекеттик университети менен Ош мамлекеттик университетинин ортосунда түзүлгөн кызматташтык жөнүндөгү келишимдин негизинде 19-майда «ХХI кылымдын кадрлары» аталыштагы жогорку окуу жайлар аралык студенттик демилгелер форумунун алкагында Илимий китепкана китеп көргөзмө койду. Ага китепканачы Сулайманова Г.А. көргөзмөдөгү материалдар тууралуу кеңири маалымат берди.
